Aplikan ki bezwen enskri nan klas pou kredi dwe ranpli yon Aplikasyon pou Admisyon epi ranpli youn nan kondisyon sa yo:

• Genyen yon diplòm lekòl segondè regilye ki soti nan yon lekòl ki akreditel*, oswa
• Genyen yon diplòm GED ki se yon diplòm ekivalan lekòl segondè (GED), oswa
• Konplete pwogram edikasyon adomisil, dapre lwa Florid FS 1003.43 ak 1003.25, oswa
• Ranpli tout kondisyon pou resevwa yon diplòm lekòl segondè regilye, eksepte Tès Evalyasyon Konesans Jeneral la (FCAT); men, aplikan an pa p kalifye pou rantre nan Pwogram a Aksè Limite yo, li pa p kapab  patisipe nan aktivite atletik kolèj la, epi li pa p kapab jwenn èd finansyè (amwenke li pase tès ki kalifye l pou benefis la), oswa
• Apwouve pou anwolman doub nan lekòl segondè ak kolèj oswa admisyon preyalab.

Aplikan ki bezwen enskri nan pwogram vokasyonèl pou granmoun yo (PSAV) dwe ranpli yon Aplikasyon pou Admisyon epi sa depan, yo kapab bezwen oubyen yo kapab pa bezwen genyen yon diplòm lekòl segondè. Gade nan seksyon ki rele Domèn Etid la nan katalog kolèj la pou plis detay.

Tout aplikan pou klas kredi nan kolèj la oswa pou pwgram vokasyonèl yo dwe ranpli deklarasyon adrès kote yo rete nan Florid la. Genyen yon fòm affidavit ki tou vini ak aplikasyon pou admisyon an. Pou plis enfòmasyon sou kondisyon yo ale nan  "Kijan pou w aplike pou peye kòm rezidan eta Florida la."

Aplikan ki bezwen enskri pou pwogram edikasyon siplemantè yo dwe vizite paj sistèm enskripsyon sou entènèt pou klas edikasyon siplemantè yo.

Klike la a pou jwenn enfòmasyon sou kondisyon admisyon pou Etidyan Entènasyonal (viza etidyan F-1 oswa M-1).